Dagurinn var tekinn snemma þar sem búið var að tilkynna að flogið yrði úr Trans brekkunni í dag en það tekur um 80 mínútur að keyra í hana frá Hanstholm og nágrenni þannig að ræsing var um 6 leytið. Og viti menn enn var rigning í Hanstholm þegar á fætur var komið. En við létum það ekki slá okkur út af laginu þar sem veðurspáin hljóðaði upp á að þurrt yrði í dag og hingað til hafa veðurfræðingarnir haft nokkuð rétt fyrir sér.

Við vorum komnir til Trans um hálf níu og viti menn rétt fyrir níu byrjaði aftur að rigna, það gekk þó nokkuð fljótt yfir og eftir klukkan hálf tíu sáust bara einstaka dropar á ferli og svo var þurrt eftir það. Ræst var út upp úr hálf tíu og byrjuðum við á að klára seinni tvo hópana í umferð tvö. Að því loknu voru svo fjórar umferðir flognar við mjög rokkandi skilyrði en vindur var frá 3,2 m/s og upp í 5,7 m/s.

Morgundagurinn lítur vel út, spáð vindi á bilinu 6-7 m/s, skýjað og þurrt svo það ættu að verða fínustu skilyrði á Kridtvejen.